اویاقلیق: تراختورون کروانی کئچن گون چهارشنبه نین آخشام ۸ اوچاغینن اصفهانا ساری تهرانی ترک ائتدی و اصفهان دا کوثر هتلینده قوناق اولاجاقدیر. قیرمیز گیینلر ذوب آهن تاخیمی یاریشیندان(۲) قاباخ ایکی دفعه تمرینلری اولاجاقدیر و بو تمرینلر احتمالی چوخدی سپاهان استادیوموندا گئچیریله.(۳) تراختور اویونچولاری ائله ذوب آهنینن اویونلاری سونا چاتماق همین ساعت ۲۱:۵۰ اوچاغینن تهرانا قئییدجاقلار. […]
اویاقلیق: تراختورون کروانی کئچن گون چهارشنبه نین آخشام ۸ اوچاغینن اصفهانا ساری تهرانی ترک ائتدی و اصفهان دا کوثر هتلینده قوناق اولاجاقدیر.
قیرمیز گیینلر ذوب آهن تاخیمی یاریشیندان(۲) قاباخ ایکی دفعه تمرینلری اولاجاقدیر و بو تمرینلر احتمالی چوخدی سپاهان استادیوموندا گئچیریله.(۳)
تراختور اویونچولاری ائله ذوب آهنینن اویونلاری سونا چاتماق همین ساعت ۲۱:۵۰ اوچاغینن تهرانا قئییدجاقلار.
تبریزین تراختور تاخیمی تهران دا حاضیرلیق گئچیرماقدا کئچن گون سون تمرینین بو شهریده گئچیردی.
بو تمرین کئچن گون ساعت ۱۴:۴۵ دن ۷۵ داقیقالیق گئچیریلدی و قلعه نوعینین شاگردلری اصفهانا گئتممیشدن قاباق سون تاکتیک پىروگرملرین اینجیلدیلر(۴) و گؤزلرینین قاباغیندان گئچیردیلر.
سون گونلرده تهران دا یاغیش یاغماسی بو شهرین هاواسین لاپ گؤزل ائتمیشدی و بو گؤیچک هاوا دوروموندا(۵) اویونچولار چوخ فرحلنیپ، شاد اولوپ و روحیه تاپدیلار.
امیر حسین پیروانی، گنجلر ملی تاخیمینین باش کوچی(۶) تراختورون تمرینینده واریدی و قلعه نوعینین شاگردلرینین ایشلرین نئچه داقیقالار گؤزونون آلتیندا آلدی.
پیروانی بو داقیقالاردا امیر قلعه نوعیله دانیشدی و تاخیمینین ملی کؤینگ گیین اویونچولارینین دوروموندان سوروشدى.
دئماق اولار تراختورون گنج ملی تاخیمیندا اوچ اویونچو پایی(۷) وار و اوچ اویونچوسی علی طاهران، محمد امین بهرامی و عارف آغاسی گنج ملی تاخیمدا اوینوللار.
سؤزلوک:
۱. آیرینتى: جزئیات
۲. یاریش: مسابقه
۳. گئچیرماق: برگزار کردن، کاری را به اجرا در آوردن
۴. اینجیللماق: مرور
۵. هاوا دورومو: وضعیت هوا
۶. باش کوچ: سر مربی
۷. پای : سهم
تراختور
تاریخ : ۹ - دی - ۱۳۹۵ظفر بیزیمدی
یاشار
تاریخ : ۹ - دی - ۱۳۹۵یاشاسین بو گوزل یازی و تورکی یازیدان
تراختور عاشقی
تاریخ : ۹ - دی - ۱۳۹۵چوخ یاپیشیر تورکی یازماخ
محمد
تاریخ : ۹ - دی - ۱۳۹۵یاشاسین آنا دیلیمیز
بابک مستر
تاریخ : ۱۰ - دی - ۱۳۹۵خوشدور آنا دیلزه یازیرسیز,دواملی اولسون