فارابی سینئمایی قورومون (بنیاد) ایرتیباطات سوروملولوغونون یایدیغی بیانیهیه گؤره بو قورومون ایکینجی اوتوروموندان سونوجلانان، اورتاق بیر سسله(رای) مجید مجیدینین یؤنتدیگی «محمد رسول الله(ص)» فیلمی ۲۰۱۶ اوسکار اؤدولونو قازانماق اوچون بو یاریشمادا ایرانی تمثیل ائدهجکدیر. مجیدینین بو سون فیلمی، دوزلمهسینده چوخ آغیر هزینهلر آپارسا دا دئمک اولار ایلک گوندن بری ایرانین اوسکار اؤدولو یاریشماسیندا تمثیلچیسی اولاجاغی […]
فارابی سینئمایی قورومون (بنیاد) ایرتیباطات سوروملولوغونون یایدیغی بیانیهیه گؤره بو قورومون ایکینجی اوتوروموندان سونوجلانان، اورتاق بیر سسله(رای) مجید مجیدینین یؤنتدیگی «محمد رسول الله(ص)» فیلمی ۲۰۱۶ اوسکار اؤدولونو قازانماق اوچون بو یاریشمادا ایرانی تمثیل ائدهجکدیر.
مجیدینین بو سون فیلمی، دوزلمهسینده چوخ آغیر هزینهلر آپارسا دا دئمک اولار ایلک گوندن بری ایرانین اوسکار اؤدولو یاریشماسیندا تمثیلچیسی اولاجاغی بیر چوخلارینین وریندن ظن ائدیلیردی. آنجاق دئمهلییک بو فیلم چوخ سایدا اوان مئنتقیدلرین بیر چوخ تپگیسینه (واکنش) ندن اولوب ایستی دارتیشمالار یاراتمیشدیر. بیرچوخو بو فیلمین آغیر هزینهلرینه اعتیراض ائدیرلر، بیرسیراسی مذهبی و دینی باخیمدان بو فیلمه نقد و اعتیراضلاری وار و دئمک اولار بیر سیرالاری دا فیلمی یؤنتمنلیک، موسیقی و ایستهتیک(زیباشناختی) باخیمیندان الیشدیریرلر (نقد ائدیرلر). آنجاق بوتون بونلارا باخمایاراق ۲۰۱۶ اوسکار اؤدولونده ایرانی بو فیلم تمثیل ائدهجکدیر.
ایندیهدک ایراندان مجید مجیدی ۵ فیلمله و اصغر فرهادی ایله رضا میرکریمی هر بیری ۳ فیلمله اوسکار اؤدولو یاریشماسیندا ایشتیراک ائدنلرین اؤن سیراسیندا یئر آلیرلا.
قایاق: بیلیم سسی