اویاقلیغین راپورونا گؤره، آذربایجان جمهوریسی ساوئت بیرلییینین جمهوریلریندن بیری اولاراق ۱۳۷۰ین مهر آیینین ۲۶سیندا رسمی اولاراق ایستیقلال اعلام ائتدی. آمارلارا گؤره بو جمهورینین یوزده سکسناوچو شیعه و یوزده اوندؤردو سوننی؛ ۹۷% موسلماندیر. آذربایجان جمهوریتی ایراندان آیریلیب تئزاری روسیهیه یاپیشدیریلاندان سورا، هم ده سورالار ساوئت بیرلیینه گیرندن سورا، مذهبین کؤکونو قازماقلا اوزلشدی. روسلار آذربایجاندا دینی کیملیی […]
اویاقلیغین راپورونا گؤره، آذربایجان جمهوریسی ساوئت بیرلییینین جمهوریلریندن بیری اولاراق ۱۳۷۰ین مهر آیینین ۲۶سیندا رسمی اولاراق ایستیقلال اعلام ائتدی. آمارلارا گؤره بو جمهورینین یوزده سکسناوچو شیعه و یوزده اوندؤردو سوننی؛ ۹۷% موسلماندیر.
آذربایجان جمهوریتی ایراندان آیریلیب تئزاری روسیهیه یاپیشدیریلاندان سورا، هم ده سورالار ساوئت بیرلیینه گیرندن سورا، مذهبین کؤکونو قازماقلا اوزلشدی. روسلار آذربایجاندا دینی کیملیی آرادان گؤتورمک اوچون آغیر محدودیتلر و سیخینتیلار قویدولار و سونوندا دینی بوشسوزلوق یاراتدیلار. ایستیقلالدان سوراکی دولتلر ده، دینین سیاستدن آیری اولماسینی یایاراق داها آرتیق دینی بوشسوزلوغا ندن اولدولار و سونوج اولاراق گنجلار، دینه آیقیری سیاستلر اوزوندن دوغرو دوزگون ایسلامی و تشیعی آنلایا بیلمهدیلر.
ایستیقلالدان سورا، باکی دولتلری آذربایجانلی شیعهلرین قورخوسوندان، آتموسفری باشقا دینلر و مذهبلر، اؤزل اولاراق وهابیت و نورچولوغا آچیق بوراخدیلار، بئلهلیک شیعهلری اؤزلرینه خطر گؤرن حاکیملر اؤزلرینی اولارین قورخوسوندان قوروماق ایستیرلر، چونکی اولار نظرینجه ایران شیعهلری باکی دولیتنه قارشی قیشقیرتماقلا شیعی دولت قورماغا سوروکلهیه بیلر.
آذربایجاندا سئکولار و باتییا دایانان سیاستلر اثرینده گوجلنن دینلر و شیعه اولمایانلار مذهبلرین یانیندا، ظولمه باش اهین و ساکیت قالان بیر شیعی دوشونجه اولوشوب و گوجلنیب. ایندی، آذربایجان پارتیسی، دیندار آذریلرین سیمگه و تمثیلچیسی اولدوغونا گؤره، حوکومتین باسقیلاری ایله اوزلشیر. دولت بو پارتینین ایشلرینین قیسماق و سیخماقلا هر ایلکی قدس گونو تظاهرات و چیخیشلاری تاپداماق و سوسدورماغا چالیشیر.
ایران بیر شیعه اؤلکه و آذربایجاننین گونئی قونشوسو اولاراق، ایلک ایستیقلال ایللریندن سوای بو جمهوریده جدی ائتگیسی و اثری اولماییب و بو میئدانی باشقا اؤلکهلر، اؤزل اولاراق تورکییهیه بوراخیبدیر. تورکیه آذربایجان جمهوریسینین بیلیمیوردلار و اونیوئرسیتهلرینه فتحالله گولننین دوشونجهلرینه رئکلام و تبلیغ ائتدی و اورایا گیریشینی ساغلادی. باشقا طرفدن، عربیستان و کویت کیمی اؤلکهلر باکی دولتی جوازی ایله خیرخواهلیق آدینا و وهابیتی گوجلندیرمک ایستهیی ایله مسجیدلر قورماغا باشلادیلار، آمارلارا گؤره آذربایجاندا ۵۰ مینه یاخین وهابی واردیر.
نظره آلماسی گرکلی اولان شئی ایرانین معنوی و کولتورل اولاراق آذربایجاندا اولماماسیدیر. ایران اؤز ایدئولوژیسینی آذربایجانا گؤندره بیلردی آنجاق سادهجه اکونومیک و تجاری ایلیشکیلره قانیقلانیبدیر. آذربایجان، ایراننین مذهبی حضورونا جدی انگللر اولدوغونا رغمن، ایران وار اولان پوتانسیللردن اوردا حضورو اولماق اوچون قوللانا بیلر. موجتهدلر و بؤیوک موللالارین دوغرو دوزگون ایسلامی رئکلام ائتمک اوچون آذربایجانا سفریندن علاوه، ایرانا گلن آذربایجانلیلاری ائتگیلندیرمکدن ده واز گئچیلمهمهلیدیر.