حمزه یونس/ بیر اویونچو؛ سامورایی و موهاجیم رولوندا
حمزه یونس/ بیر اویونچو؛ سامورایی و موهاجیم رولوندا

اویاقلیق: ایرانین فوتبال سوپر لیگینده گئچن فصله گؤره، تراختور، لاپ چوخ دییشیک‌لیک‌له اوزلشن تیم‌دیر. قیرمیزلار، تاثیرلی اویونچولار آلماق‌دا لاپ یاخجی فصل‌لریندن بیری‌نی گئچیرتمک‌ده‌دیرلر. تراختور بو فصلده آلدیغی اویونچولار، گئچن فصل اؤز تیم‌لری‌نین اولدوزلاری ایدی‌لر، آنجاق لاپ چوخ دیققت چکن اویونچو «حمزه یونوس»دیر. تراختورلارین سئوینجک طرف‌دارلاریندان علاوه، رقیب‌لری ده بو اویونچویا گؤره حاشیه‌لر یاراتماق‌دادیرلار. حمزه یونوس، […]

ba1fea4e80fd45f0bc159a18132bd126.اویاقلیق: ایرانین فوتبال سوپر لیگینده گئچن فصله گؤره، تراختور، لاپ چوخ دییشیک‌لیک‌له اوزلشن تیم‌دیر. قیرمیزلار، تاثیرلی اویونچولار آلماق‌دا لاپ یاخجی فصل‌لریندن بیری‌نی گئچیرتمک‌ده‌دیرلر. تراختور بو فصلده آلدیغی اویونچولار، گئچن فصل اؤز تیم‌لری‌نین اولدوزلاری ایدی‌لر، آنجاق لاپ چوخ دیققت چکن اویونچو «حمزه یونوس»دیر. تراختورلارین سئوینجک طرف‌دارلاریندان علاوه، رقیب‌لری ده بو اویونچویا گؤره حاشیه‌لر یاراتماق‌دادیرلار. حمزه یونوس، گئچن ایل اوروپانین قهرمان‌لیق لیگی‌نین اویون‌لاریندا، لیوئرپولون و مادریدین رئال تیمی کیمی بؤیوک تیم‌لرین قاباغینا چیخمیشدی، بو اوزدن تراختورون و ایرانین سوپرلیگی‌نین لاپ سس‌لی-سؤزلو آلینمیش اویونچولاریندان ساییلیر.
تراختورون مودورلری، ائدینهونون یئرینه یاخجی بیر اویونچو آلماقدان سورا، آیری چاره‌لری یوخ ایدی. بونا گؤره، گل ماشینی کیمی تانینان ائدینهونون، تراختوردان گئتمه‌سی قطعی‌لشندن سورا، تراختور چوخ تئز حمزه یونوس‌لا توافقه چاتماغی باشاردی.
ایندی، بو اویونچو اؤز اؤلکه‌سینه اولان نئچه گون‌لوک سفریندن سورا، تبریزه قاییدیب و تراختورون مشق‌لرینده (تمرین‌لرینده) تزه بیر قیافه و ظاهیرله حاضیر اولور. بو طرز تیپ و قیافه طرف‌دارلاری تراختورون گئچن ایلکی اولدوزونون، یادینا سالیر. او توک‌لرینی آندرانیک تیموریانا بنزر دوزلدیب، بئله‌لیک‌له تراختور سامورایی‌سیز اولمایاجاق‌دیر.
نظره گلیر، بو فصل‌ده، حمزه یونوس هم گل وورماقدا ائدینهونون یئرینی دولدورا بیلر هم ده ایران‌نین فوتبال لیگینده تیموریان‌نین سامورایی لقبی‌نی دیری ساخلایا بیلر.