تراختور زیروه نی قازانماقا چالیشیر/ قارشیسیندا اهوازلی تاخیم شامپیونلوقونی قوروماغا
تراختور زیروه نی قازانماقا چالیشیر/ قارشیسیندا اهوازلی تاخیم شامپیونلوقونی قوروماغا

اویاقلیق : مملکتین بیرینجی لیگا قئیید باش اویونلاری صاباح دان باشلانیر و بو هفته نین بیر اویونون دا تراختور خوزستان استقلالی تاخیمیله قارشیلاشاجاق، گئت باش اویونلاری تراختور ۳۰ پوانیله ایکینجی سیرادا سونا چاتدیردی و خوزستان استقلالی ۱۸ پوانیله اونونجی سیرادا دایاندی. خوزستان استقلالی شامپیون اولماقین قوروماقیله، گئچن ایله تای گوجلی و یاخجی اوینیه بیلمیر و […]

اویاقلیق : مملکتین بیرینجی لیگا قئیید باش اویونلاری صاباح دان باشلانیر و بو هفته نین بیر اویونون دا تراختور خوزستان استقلالی تاخیمیله قارشیلاشاجاق، گئت باش اویونلاری تراختور ۳۰ پوانیله ایکینجی سیرادا سونا چاتدیردی و خوزستان استقلالی ۱۸ پوانیله اونونجی سیرادا دایاندی.

خوزستان استقلالی شامپیون اولماقین قوروماقیله، گئچن ایله تای گوجلی و یاخجی اوینیه بیلمیر و بو تاخیمین سونوچلاری چوخ آلچاخ اوجالی اولماقیله بئله بو تاخیمین قارشیسیندا اهواز دا اویناماق راحات دییر.
تراختورون ائودن ائشیه اویونلاریندا اوتوزمازلیقی بو تاخیما یاخجی پواندیر، تراختور بو فصلیده یالنیزجه سپاهانا قارشی اودا اؤز ائوینده اوتوزوب اوندان سونرا تراختور ائوده یا ائودن ائشیه اویونلاردا چوخ یاخجی سونوچلار قازانیپ.

خوزستان استقلالی بو فصلی ده ائوده اویونلاریندا ایکی اوتماقیله و ایکی اوتوزماقیله و قالانین برابرلیقیله سونا چاتدیریپ، بو گؤرسدیر خوزستان استقلالی اؤز ائوینده یاخجی دبشه بیلمیر و بو تاخیمی اهواز دا اوتماق اولار.
بیرینجی لیگا باشلانقیجیندا تبریزده خوزستان استقلالی تراختورا قارشی ایکی ایکیه برابر اولدی و بیر پوانیله تبریزدن قئییتده. تراختور او اویون دا ایکی دفعه اؤز گونئیلی حریفیندن قاباخلادی، اما گؤی گیینلر برابرلیق قولون ویرماقا باشاردیلار و اویونون سونوندا ایکی ایکیه برابر اولدولار.

اهواز استقلالی تبریزده ماشین تاخیمینین قارشیسیندا اوچ بیره اوتموشدی، اما گسترشه قارشی ایکی بیره اوتوزموشده.

تراختور سیرالارین زیروسینده
تراختور تاخیمی بوتون گوجون ویریر اهوازدا خوزستان استقلالی قارشیسیندا اوچ پوان آلسین. تبریز قیرمیزلاری بونا گؤره نئچه گون تهراندا حاضرلیق گئچیرنن سونرا اهوازا ساری یولا توشدولر.

تراختورن اوتماقی، پرسپولیسین سایپایا قارشی برابرلیقیله بیر اولسا، قلعه نوعینین شاگردلرینین زیروه ده اولماقینا باعث اولاجاق.

تراختور تاخیمی گئچن یاری فصله گؤره چوخ دییشیلمیپ، اما لاپ بؤیوک ترانسفر بو تاخیمدا اوز وئریپ و سروش رفیعی تراختوردان آیریلیپ رقیب تاخیما قاتیلیپ.

اونون قاباغیندا امید عالیشاه و احمد نوراللهی عسگرلیخ دوره سین گئچیتماغا پرسپولیسدن تراختورا گلیپلر و بئللیغیله شامپیونلوق ایستین تاخیملاری آراسیندا گوج پایلانسین.

تراختور، خوزستان اهوازا قارشی اویونو دئی آیین ۲۳ پنجشنبه گونی اهواز دا گئچیریلجاق.