اویاقلیقین دئدیغینا تبریزین تراختور تاخیمی بو ایل امیرقلعه نوعی نین کوچ لوغوونان، فصلین ایلک ایکی اویونون برابر اولماغینان ۱۶ اینجی لیگانی باشلادی. قلعه نوعی نین اویونچولاری گئت به گئت دوروم لارین یاخجیلاتدیلار و اوندان سونرا یاخجی اوتماقلار قازانماغلا اؤزلرین یوخاری سیرالاردا ساخلادیلار. ۱۳ هفته تراختور بیر دفعه اوتوزمادان دا اؤز ایشینی قاباغا آپاریردی کی ایلک […]
اویاقلیقین دئدیغینا تبریزین تراختور تاخیمی بو ایل امیرقلعه نوعی نین کوچ لوغوونان، فصلین ایلک ایکی اویونون برابر اولماغینان ۱۶ اینجی لیگانی باشلادی.
قلعه نوعی نین اویونچولاری گئت به گئت دوروم لارین یاخجیلاتدیلار و اوندان سونرا یاخجی اوتماقلار قازانماغلا اؤزلرین یوخاری سیرالاردا ساخلادیلار.
۱۳ هفته تراختور بیر دفعه اوتوزمادان دا اؤز ایشینی قاباغا آپاریردی کی ایلک اوتوزماسین ۱۴ اینجی هفته ده اؤز ائویندکی سپاهان تاخیمینین قارشیسیندا دادیزدی، ها بئله بیر یاریم فصلیده اوتوزمازلیخدان دالیه قالدی.
تبریز قیرمیزلاری لیگانین ایلک یاریم فصلینین ۱۵ اویونوندان سگگیز اوتماق آلتی برابرلیق و بیر اوتوزماقیلا، سونوندا ۳۰ پوانیله اؤز ایشین ایلک یاریم فصلیده پرسپولیس ۳۲ پوانلیق تاخیمنان سونرا دایانماقیله سونا یئتیردی.
تراختور تاخیمی ۱۵ اویون دا ۲۴ گول قالالارا آتدی و ۱۱ گول یئدی بو سونوچونان ۱۶ اینجی لیگانین لاپ اوغورلی دفاعسینا صاحیب اولدی.
محمد رضا اخباری تراختورون قالاسین ساخلیین، اؤز تاخیمینین اوغروندا پارلاق رول ایفا ائتدی، بئله لیغینان ۱۵ اویوننان ۷ اویوندا اؤز قالاسین باغلی ساخلاماغا باشاردی.
فرزدا حاتمی ۶ گول ویرماغینان و محمد ایران پوریان و لوسیانو ادینیو هربیری ۵ گول ویرماغینان ایلک یاریم فصلیده تبریز قیرمیزلارینین باشاریلی گول ویرانلاریندان اولدولار.
مهدی
تاریخ : ۶ - دی - ۱۳۹۵گوزل ایش گوروسوز کی آنا دیلیمیزده اسپور خبرلرینه یئر ودمیسینیز یولونوز دواملی و آرخالی
علی تراختوری
تاریخ : ۶ - دی - ۱۳۹۵اویاقلیق قبلا مقاله های خوبی داشت ولی یکی دوماهیست که اصلا مقاله ای نمیذاره و اینهم بعدازخیلی مدتهاگذاشته.چراسایتهای خودمان هیچ چی چاپ نمیکنن ومامجبوریم مقاله های مقرضانه سایتهای سرخابی رابخونیم.منتظرفعالیت بیشترشماهستیم….
یعقوب بقایی
تاریخ : ۶ - دی - ۱۳۹۵چوخ ساغولون بو آنا دیلیمیزده اولان خبره گوره چوخ سویرم سیزی