آذربایجان قادین گئیمی
آذربایجان قادین گئیمی

آذربایجان قادین گئیمی آلت و اوست گئیملردن اولوشور.اوست گئیملر گئنه‌للیکله چیین اوستو و بئل اوستو اولور.اسکی زامانلار سوبای قادین و ائولی قادینلاری پالتارلاری‌نین اؤزه‌للیکلریندن آییرماق اولورموش .گئیم بیچیمی قادینین یاشی و یاشام دورومونودا بللی ائده‌رمیش. آرخالیق: بوتون آذربایجاندا ان گئنیش یاییلمیش چیین اوستو گئیملردندیر. آرخالیق چیین اوستو، اوزون بئللی ، ائنسیز و گؤدکجه دیر.آرخالیقین یاخا […]

آذربایجان قادین گئیمی آلت و اوست گئیملردن اولوشور.اوست گئیملر گئنه‌للیکله چیین اوستو و بئل اوستو اولور.اسکی زامانلار سوبای قادین و ائولی قادینلاری پالتارلاری‌نین اؤزه‌للیکلریندن آییرماق اولورموش .گئیم بیچیمی قادینین یاشی و یاشام دورومونودا بللی ائده‌رمیش.

آرخالیق: بوتون آذربایجاندا ان گئنیش یاییلمیش چیین اوستو گئیملردندیر. آرخالیق چیین اوستو، اوزون بئللی ، ائنسیز و گؤدکجه دیر.آرخالیقین یاخا بیچیمی بیر پارا شهرلرده اؤزونه اؤزل اولورموش.آرخالیق ایپک ، اطلس ، کشمیر، ماهوت ، ساتین تکین پارچالاردان تیکیله‌ر.

photo_2015-10-12_23-10-38

photo_2015-10-12_23-10-46

کؤینک:کؤینک چیین اوستو گئیملردندیر.کؤینه‌گین چیینی تیکیشسیز ، اؤندن دویمه‌لی،قوللاری گئن و اوزون اولور. کؤینه‌گین یاخا و قول آغزی و اته‌گی بزکلی شیریقلارلا سوسله‌نیر .کؤینه‌گین اته‌گینه قیزیل یا گوموشدن پوللار تیکیله‌ر.

تومان :تومانلار اوست تومان ، اورتا تومان و آلت تومان‎لاردان اولوشور .
اوست تومان گئن ،اوزون و چینلی اولور.داها اسکی زامانلار بیر پارا کندلرده گئینیله‌ن تومانلار ۷دن ۱۰ ارشینه‌جه‌ن اولورموش .گئنج قیزلار داها چینلی تومانلار گئیرمیشلر. اوست تومان گئنه‌للیکله اوزون اولور و بوتونلوکله شالوار ،اورتا و آلت تومانین اوزه رینه اوتورور .اوست تومان داها ده‌یرلی پارچالاردان تیکیلیر.تومانین اته‌گینه دگیشیک بزکلی سیرمالار و ناخیشلار تیکرلر .

photo_2015-10-12_23-10-53

قایناق: بیلیم سسی