اویاقلیق: یادداشت یکی از هواداران تراکتور که وضعیت کنونی تیم را تحلیل کرده و حمایت هواداران از کادر فنی را لازم دانسته است و به زبان مادری نیز نوشته شده است عینا بدین شرح است : . ایلک اونجه اویاقلیق سایتنا بویوک مینتدارلیق بیلدیرملیک کی اله بیر آچبخ میدان یارالدیب کی هر کس اوز نظرینی […]

اویاقلیق: یادداشت یکی از هواداران تراکتور که وضعیت کنونی تیم را تحلیل کرده و حمایت هواداران از کادر فنی را لازم دانسته است و به زبان مادری نیز نوشته شده است عینا بدین شرح است :

.

ایلک اونجه اویاقلیق سایتنا بویوک مینتدارلیق بیلدیرملیک کی اله بیر آچبخ میدان یارالدیب کی هر کس اوز نظرینی سایتدا یایلمیش یازیلارا بیلدیریر و سایتین یونعتیجلرینین (مدیریت) بویوک اورگ لری واردیر کی وریلن نظرلر آراسیندا آیری سئچکی لیق سالمائیب و یایلمالی اولان هر بیر نظری یائیر و پلورالیسمین نه اولدغونو باشقا رقیب سایتلارا گوستریرلر و سونلوق دا بو کونو یازارلارین سای سینین چوخالماسینا گتیریب چیخارمالی دیر و سایتدا هر نه قدر یازار چوخلوقو اولارسا سایت او قدر زنگین لشر و بیر قایناق سایتا چئویرلع بیلر.

 اودور کی داها یاخچی اولاردی کی اوخویوجولار بو یایلمیش یازیلارا نظر ورمکدن باشقا اوزلری دع باهامسیز(مستقل) بیر یازیلاردا یازسینلار.

 اما سون زامانلار تاگیمی یونعتیجیلرین حاقلاریندا بعضی یازیلارا وریلن نظرلرع بیر باخیش کئچیرندع، بیر سیرا سوزلر و نظرلر گورونور کی واخت آشیری(مدام) گوبوت دیر و هر دندع آز دیرلی(کم ارزش) گورونور، باخمایارق کی آرامیزدا اولان بوتون تراختور ایله باغلی کونولار عائله ایچی سوزودیر و عائله ایچیندع اولوب، قالمالی دیر و اوز دیلیمزدع یازیلسا لاپ یاخچی اولار.

او زامان کی نظرلر بیر بیر ایلع توقوشور، اگر بیر طرف حرمتلع اوز نظرینی ثبوت ائدمعیع چالیشسا داها یاخچی افکتی اولار، اما بونو گوبوت شکیلدع و بیر آزجا ادب چئوره سیندن چیخاراغ ایفاده ائدسع، قارشی طرفین ریاکسیاسینی (واکنش) داشدیرا بیلر کی بو دا دارتیشمانی (بحثی) اوز آمالیندان اوزاغ لاشدیراراغ خوش گلمز بیر حال یارادار، حال بو کی هر ایکی طرفدع بیر سوز دئیر و بیر تاگیم اوچون بوغاز یئرتیرلار.

 تراختور بیزیم دی و هر کس اونا باغلی دیر سا ، ایستر ایستمز او دا بیزیمدی، ایندی یا بو تونی اولا، یا خطیبی، یا واسیلی قوجا و یا بیزیم دیلده دانیشا بیلمیین عباسی  و یا بوتون اویونچولار و یا کی تراختور ایله باغلی قالان آدینی ائشتمدیغیمیز اینسانلار، یری یوواندان توت تا اویونچولارین باشماغلارینی تمییزلیین دک، و هرکس تراختورا غولوغ ائدیرسع، بیزیمدی و هامسی دا حرمت میزع و سایغی میزا لایق اولان آداملاردیر چون او آدامین اوستوندع تراختور آدی وار، اما بونلارین هئچ بیرینین آدی هئچ واخت تراختور اوستوندع اولمایاجاغ،

هر بیر یوخاری دا آدی چکیلن آدام ایشینی دوزگون گوروب، گورمعدینع گورع ایناملار فرقی لعنع بیلر کی اودا چوخ ناتورال(طبیعی) بیر کونودور، هر بیر آدامین یانداشی و سئونی وار و هر بیر اینامین بیر قایناقی و بئله بیر قایناقلار و ایناملاردی کی تراختور گوجلعندیریر.

ایندی کی زاماندا هامینین اینترنتع الی چاتمیر و الی چاتانلارین هامسی سوادلی آداملاردی کی کتاب اوزو گوروب، اوخویب و عائله ایچیندع بویووب و بیر نظر صاحبی اولوب و لاکن تاگیما زحمت چکنلرع آد قویماغ، اونلاری اله سالیب و اونلارا یاراشماز اتهام لار ایررلی سورماغ نه اونی یازانلارین اوزونع و عائله سینع یاراشیر، نه اوخودوغو کتابلار ایله اویغون گلیر و نه تراختورچیلیغلا باغلانا بیلییر.

بیز تراختورچولارین بیر قاباریغلیغی وارکی او بیری تاگیم لارین یانداشلاری ایله بویوک بیر فرق آچییر، بیز تراختورچو اولماغلا بیرع بیر، همی دع بویوک تورک ملتییغ، بیر تورک کیمی اوخویاق، بیر تورک کیمی یازاغ و اله بیر تورک اولاغ کی اوخوموزدا، یازمیزدا، دانیشدیغمیزدا، اوزوموزو آپارماغدا بیزع یاراشسین، باشقا بیر معنادا گلین بو کونودا دا اصلی تورک اولاغ.

دنیزخان مارالانلی

لینک کوتاه :