آمریکا اولوسال(میللی) یوخو مرکزین وئردیگی بیلگیلره گؤره،اینسانلارین یوخو احتیجاجلاری اونلارین یاشاملارین طرزینه باغلیدیر.اما بو مرکز آشاغیدا گؤرونهن عدد لری اؤنهریبدیر: کؤرپه(۳ آیلیغا دک): هر گئجه گوندوزده ۱۴ایله۱۷ ساعات یوخو گرکلیدیر؛ اما۱۱ایله ۱۳ ساعاتدا اولورسا یئترلیدیر(کافی). دئمهلیدیر،کؤربه(نوزاد) اوشاغین یوخوسو هر ۲۴ساعاتدا ۱۹ ساعاتدان چوخ اولمامالیدیر. کؤرپه(۴ایله۱۱ آیلیق) :۱۲ ایله ۱۵ ساعات یوخو تؤوصیه اولونوبدور؛اوچ آیلیقدان سونرا […]
آمریکا اولوسال(میللی) یوخو مرکزین وئردیگی بیلگیلره گؤره،اینسانلارین یوخو احتیجاجلاری اونلارین یاشاملارین طرزینه باغلیدیر.اما بو مرکز آشاغیدا گؤرونهن عدد لری اؤنهریبدیر:
کؤرپه(۳ آیلیغا دک): هر گئجه گوندوزده ۱۴ایله۱۷ ساعات یوخو گرکلیدیر؛ اما۱۱ایله ۱۳ ساعاتدا اولورسا یئترلیدیر(کافی). دئمهلیدیر،کؤربه(نوزاد) اوشاغین یوخوسو هر ۲۴ساعاتدا ۱۹ ساعاتدان چوخ اولمامالیدیر.
کؤرپه(۴ایله۱۱ آیلیق) :۱۲ ایله ۱۵ ساعات یوخو تؤوصیه اولونوبدور؛اوچ آیلیقدان سونرا کؤرپهنین یوخوسو ۱۸ساعات اولمامالیدیر.
ایکی یاشلی اوشاق: اؤنهریلمیش اؤلچو ۱۱ایله ۱۴ ساعات یوخودور.دئمهلیدیر؛۹ایله۱۶ ساعات یوخو نورمالدیر.
اوچ ایله بئش یاشلی اوشاق:اوزمانلار(متخصص)،۱۱ ایله ۱۳ ساعات یوخونو بو یاش گوروهونا گرکلی بیلرلر.۸ساعاتدان آز و ۱۴ ساعاتدان چوخ یوخو یاخشی و نورمال دئییل.
اوخول اوشاغی(۶ایله۱۳ یاشلی): آمریکا اولوسال یوخو مرکزی،۹ایله۱۱ ساعات یوخونو بو یاش گوروهونا نورمال بیلیر.
۱۴ایله ۱۷ یاشلیلار:یئترلی یوخو بو یاش گوروهونا۸ ایله۱۰ ساعاتدیر.۷ساعات یوخودان آز و۱۱ساعاتدان چوخ یوخو تؤوصیه اولمور.
گنجلر(۱۸ ایله۲۵ یاش) :۷ ایله ۹ ساعات یوخو یئترلیدیر؛۶دان آز و ۱۱ ساعاتدان چوخ اولماماسی داها یاخشیدیر.
۲۶ ایله ۶۴ یاشلیلار:گنجلره اؤنهریلمیش یوخو ساعاتی بو یاش گوروهونادا گرکلیدیر.
امکلیلر(۶۴ دن یوخاری): هر گئجه گوندوزده ۷ ایله۸ ساعات یوخو نورمالدیر. دئمهلیدیر:بو یاشدا یوخو ۵دن آز و ۹ساعاتدان چوخ اولمامالیدیر.
قایناق: بیلیم سسی