دنیز مارالانلی: سون واختلار هر زامان اورمیه شهرینین آدی گلدیکده ایستر ایستمز اورمی گولو یادا دوشور و هر بیر تورک دع بیر کدر حیسی اویانیر، اله حیس کی هئچ بیر یازی ایله اونی آنلاتماغ اولماز، اما اورمیه دع کئچیریلن شان فستیوالین خبری و بو خبرین حرمتلی اویاقلیق سایتیندادا یایلماسی آز دا اولسا یانار کونلوموزع بیر […]
دنیز مارالانلی: سون واختلار هر زامان اورمیه شهرینین آدی گلدیکده ایستر ایستمز اورمی گولو یادا دوشور و هر بیر تورک دع بیر کدر حیسی اویانیر، اله حیس کی هئچ بیر یازی ایله اونی آنلاتماغ اولماز، اما اورمیه دع کئچیریلن شان فستیوالین خبری و بو خبرین حرمتلی اویاقلیق سایتیندادا یایلماسی آز دا اولسا یانار کونلوموزع بیر دامچی سو سپمیش اولدی.
خبرین سونوندا شهریور آینین تورک آدی یازیلمیش و بو یازارین تورک دیلینی درین بیلدیغیندان خبر وریر، او زامان کی چوخلو تورک عائللر اوز اوشاقلارینی فارس دیلینده بویودورلر، شهرلرمیز و کندلریمیزدع سای (شمارش) فارسجا آپاریلیر کی غینانیلاسی بیر کونودور و هابئله تلفن نمره لری فارسجا دئیلمعیع باشلانیب، او زامان کی چوخلو تورکلر فارسلاشیب و تورکی دانیشماغی اوزلری اوچون عار بیلیرلر، او زامان کی تلویزیون و رادیو ورلیشلریندع تورک دیلیندن آز بیرسوز اشیدیلیر و آپاریجیلار تورک ایله فارس دیللری آراسیندا لم یسیر قالیب و داها چوخ کونوللریندن فارس دیلیندع دانیشماغ کئچیر، بئله درین آذربایجان سوزلرینی گوروب و اوخوماق کونولع اوخشائیر، بو خیردا اویاندیرمانی باشلیق ائدیب تورک دیلیندع آیلارین آدینی خاطرلاماغ یئرینع دوشردی:
فروردین:آغلار گولر
اردیبهشت:گولن آی
خرداد:قیزاران آی
تیر:قورا پیشیرن
مرداد:قویروق دوغان
شهریور:زومار آیی
مهر:خزل آیی
آبان:قیروو آیی
آذر:اذر(یانار اوت معناسیندا)
دی:چیلله
بهمن:دوندوران آی
اسفند:بایرام آیی
آرزی ائدک کی بیر گون گلسین بیز اوز دادلی دیلیمیزدع آیلارین آدینی بئله سویلیک.او گون گله جک؟