عدو ،سبب خیرِ (تراکتور)شود  گر خدا خواهد
عدو ،سبب خیرِ (تراکتور)شود  گر خدا خواهد

اویاقلیق:بو کی بیز اوتن ایل بیر سیرا ناکیشی لیغلارین و آلاتمالارین قوربانی اولوب و شامپیونلوقو الدن وردیغ بیر فاکت دیر و هامی اونو قبول ائدیر، اما کی بو اولای ین باشقا بیر فایدالاری دا اولدی کی اونالاری دریندن دوشونندع آزدا اولسا آغریلاریمیزا بیر توخداخلیق ورع بیلر. اگر بیز شامپیون اولسایدیق بو کونو دنیا مدیاسیندا(مطبوعات) هئچ […]

,.اویاقلیق:بو کی بیز اوتن ایل بیر سیرا ناکیشی لیغلارین و آلاتمالارین قوربانی اولوب و شامپیونلوقو الدن وردیغ بیر فاکت دیر و هامی اونو قبول ائدیر، اما کی بو اولای ین باشقا بیر فایدالاری دا اولدی کی اونالاری دریندن دوشونندع آزدا اولسا آغریلاریمیزا بیر توخداخلیق ورع بیلر.

اگر بیز شامپیون اولسایدیق بو کونو دنیا مدیاسیندا(مطبوعات) هئچ بیر یر آلمایاجاقدیر و یا آلسایدی دا چوخ خیردا بیر خبر اولا بیلردی، نئجه کی بیزیم مدیادا قونشو اولئک لرین لیگیندن چوخ آز بیر خبر یاییلیر و چوخلارینا اله دع ماراقلی دئیل، اما او قارا جمعه دن سونرا بیزیم لیگین حاقیندا، قاباریق اولارق تراختور حاقیندا بیر نئجه خارجی مدیادا و تلویزیون لاردا خبرلر یایلدی.

ترکیه نین بیر نئجه گازت و درگی سی و بیر نئچه تلویزیون کانالی، اینگلترع نین اعتبارلی گاردین قازتی و بی بی سی سایتی و بیر نئچه باشقا قونشی اولئکلرین مدیا قوروملاری بو کونونی یاییب و تراختورو دنیانین داها چوخ انسانلارا تانیدیریب و اونون نئجه تاگیم اولماسی و نئجه سئویلمعسی حاقیندا گنیش رپرتاژلار پایلادیلار و بوردادیر کی دئیلیر: تانری ایستسع دوشمن دع خیر گتیرع بیلر.

و همان اولو تانریع مین لرلع شکر ائدملیک کی تراختور کیمی بیر وارلیق وار و بیزلردع اونو سئویریک و اونو سئونلری دع سئوملییک و بو سئوگی اونون شانلی آدینا، اویونچولارین هر بیرینع و سئویملی باش مشقچی سی و اونون یاردیمچی لارینادا عایددیر.

اگر بیز تراختور بایراغینین داواملی دالقالانماسینی ایستعیب و دنیا مدیاسیندا اونون آدینین بوتون آلاتمالاردا اوزاغ چکیلمعسینین آرزی سینادایق واومود ائدیریک کی بو کره اونون آدینی شامپیون کیمی تانی یان و یا تانی مایان، دوز و یا عییری، بیر اوزلی و یا مین اوزلی، سئون و یا سئومیان دوویسون ، بوتون چاتیشمامازلیقلارا باخمایراق، اونی بوتون ساحه لردع دستک لعملی و اونون اوچون بوتون چالیشانلاری، تراختورون شرفلی آدینا گورع باغریمیزا باسمالیق.

*********************

یادداشت از :دنیز مارالانلی