جمعه ساعت ۱۷:۳۰دا تراختور، لیگین دؤردونجی اویونوندا پدیدهایله قارشیلاشاجاق. پدیده بونا گؤره کی اوچ اؤنجهکی اویونلاریندا یاخجی سونوچلار قازانامییب. بو اویوندا اؤز فیکرینده تاماشاچیلاری بلیطسیز استادیومونا چاغیرماق حربهسیله تراختوری اوتماق ایستیر. تبریزین تراختور قیرمیزلاری اؤنجهکی اوچ اویونلاریندا، بیرینده اؤز یورداشی، گسترش فولاد قارشیسیندا ۳ پوان قازانیبلار آما او باشقا ایکی، راه آهن و نفت تهران […]
جمعه ساعت ۱۷:۳۰دا تراختور، لیگین دؤردونجی اویونوندا پدیدهایله قارشیلاشاجاق. پدیده بونا گؤره کی اوچ اؤنجهکی اویونلاریندا یاخجی سونوچلار قازانامییب. بو اویوندا اؤز فیکرینده تاماشاچیلاری بلیطسیز استادیومونا چاغیرماق حربهسیله تراختوری اوتماق ایستیر.
تبریزین تراختور قیرمیزلاری اؤنجهکی اوچ اویونلاریندا، بیرینده اؤز یورداشی، گسترش فولاد قارشیسیندا ۳ پوان قازانیبلار آما او باشقا ایکی، راه آهن و نفت تهران تاخیملارینین قارشیسیندا دایانیب و توپلامدا ۵ پوانیله سیرالامالاردا ۶نجی سیرادادیلار.
تراختورچولار کی مووسوم قاباقی و اویونچولارین آلیش وئریش و گئدیش گلیشلرینده بؤیوک دییشیمله اوز به اوز اولدولار و تاخیمین دوزگون و دیرلی اویونچولارین الدن وئردیلر بونا گؤره اوچ ایلک هفتهلرده انگیزهسیز و داغینیق اویونلار اوینادیلار، بئلهلیقلا کی تاخیمین یورولرینده یالنیزجا یانساحهلردن ایچری گیردیلر و اوجا توپلارلا(سانتر) گل ویرماقا چالیشدیلار و سونوندا یاخجی و گؤزل بیر تاکتیکه بو اوچ هفتهده شاهد دییلدیق!
ایندی تاخیمین بو دوروموندا گرک اولیوئیرانین اویونچولاری اؤز یوردلاریندان چیخیب مشهد یوردونا ساری گئدرلر و مشهدین پدیدهسیله قارشی قارشیه چیخارلار.
محمد رضا مهاجرینین اویونچولاری یئنی مووسومدا اؤز اوچ اویونلاریندان ایکی پوان قازانیبلار، پرسپولیس و فولاد خوزستانا قارشی برابر اولماق و سایپادان اوتوزماق او سونوچلاردیلار کی پدیده تاخیمین سیرالامالاردا ۱۶نجی سیرایا آپاریب. بو سونوچلارا گؤره پدیده تاخیمینین یئتیشنلری(مسئولان) تراختوری باسقی آلتینا آپارماق اوچون و یاخجی سونوچ قازانماقا گؤره، قرار وئریبلر بو اویونو پدیده یانداشلارینا موفته و بلیطسیز ائلسینلر. آما بوندان غافل اولمایاق کی تراختور تاخیمی مشهد یوردوندا ایرانین باشقا یوردلارینا تای بوللی یانداشلاری واریدیر و بو اؤنملی و حساس اویوندا مشهدده یالنیز اولمایاجاق.
گرک دؤزاق و گؤراق تونی اولیوئیرانین اویونچولاری راه آهنه قارشی اومودسوز قویان اویوندان سونرا و بیر هفته تمریندن سونرا اوینولارین نجور دییشیبلر و بونا گوجلری واردیر کی ائودن اشیگده پدیده قارشی اویوندا یاخجی سونوچ قازانسینلار یا یوخ. سپاهانین و فولاد خوزستانین چتین اویونلاری اولماقیله تراختورا اومود وئره بیلر کی دؤردونجی هفتهنین سونوندا سیرالمانین، زیروهسینه اوزاقلیقیدان، قورتارا.
Fardin
تاریخ : ۲۹ - مرداد - ۱۳۹۴بازی خوبی خواهدبود
بابک
تاریخ : ۲۹ - مرداد - ۱۳۹۴ساغول
مارالانلی
تاریخ : ۲۹ - مرداد - ۱۳۹۴سلام، یازی نیزدان لذت آلدیم، اومود ائدک کی بو هفته کئچمیش اویون لارین ریوانشی نی (انتقامنی) آلا بیلاخ، اما کی سیز یازمبسینیز کی پدیده سیرالامادا ۱۶ جی یئرده دیر و بو بویوک فخری پرسپولیس دن آلمیسینیز، سیز بونو ائدع بیلمسینیز، بو بیر زیروه دیر کی پرسپولیس ایللر بویو زحمت چکرک اونا چاتیب، بئله ائتمعین، پدیده ۱۲جی یئره دع و حرمتلی پرسپولیس اوزونون بوتون طنطعنه سیله ۱۶جی یئرده دیر.