تونی‌دان ناراحت دییلم/ قیراقا قویماقیمین سببی او دییلدی
تونی‌دان ناراحت دییلم/ قیراقا قویماقیمین سببی او دییلدی

اویاقلیق: مهدی کیانی مصاحبه‌لرده دئدیقلارینین خلافینا، تراختورلا اویوندان اؤنجه تونی اولیویرایا گول آپاردی. کیان کی اورک آجیسیله تراختوردان آیریلدی و بئله گؤرسنیردی اویوندان اؤنچه تراختورون نیمکتینه ساری گئتمیه، آما هم تونی الیویرایا گول آپاردی هم اوندان گؤروشوب اوپوشدو. کیانی بو قونودا دئییر: دوزدی من چوخ ناراحتیدیم آما دوغرو باخیشلی بیر آدام اولاراق هئچکیمسه‌نین محبتین یاددان […]

IMG_8108اویاقلیق: مهدی کیانی مصاحبه‌لرده دئدیقلارینین خلافینا، تراختورلا اویوندان اؤنجه تونی اولیویرایا گول آپاردی. کیان کی اورک آجیسیله تراختوردان آیریلدی و بئله گؤرسنیردی اویوندان اؤنچه تراختورون نیمکتینه ساری گئتمیه، آما هم تونی الیویرایا گول آپاردی هم اوندان گؤروشوب اوپوشدو. کیانی بو قونودا دئییر: دوزدی من چوخ ناراحتیدیم آما دوغرو باخیشلی بیر آدام اولاراق هئچکیمسه‌نین محبتین یاددان چیخارمارام. اونون اؤنجه‎کی ایللرده منه چوخلو زحمت چکماقلارینا گؤره اویوندان اؤنجه تونی اولیویرایا ساری گئتدیم. من چوخ دئمیشم تونی‌دان ناراحت دییلم بونا گؤره کی منیم قیراقا قویماقیمین سببی او دییلدی. اویوندان اؤنجه ادب و سایقی ایچین نیمکته گول آپاردیم و تونی‌له گؤروشدوم. آما اویوندا بوتون گسترش تاخیمینین باشاریسینا چالیشدیم بونا گؤره کی بو تاخیمین اویونچوسویدوم و حلال چؤرک قازانماق ایستییرم.

او تبریز دربی‌سینده اوتوزماقا گؤره دئدی:بیز اؤنجه‌دن بئله دوشونوردوق بو ایوندا اوتاجاییق اما ائله دوز او تاکتیکین اوستونده کی ایشله‌میشدوق اوردان گل یئدوق. ایلک یاریدا ایکی کرنر وروشلاریندان گل یئدوق کی اویونا دونوش چتین اولدو و ایکینجی یاریدا تکجه بیر گلی جبران ائتدوق آما اوست اوسته اویون گؤزلیدی و بیزه چوخلو گل وورما دوروملاری واریدیر.

کیانی تراختور یانداشلاریندان چوخ تشکر ائتدی و دئدی: تراختور یانداشلاریندان چوخ ممنونام کی منه لطف وارلاریدیر و منی آلقیشلادیلار. من تراختور یانداشلارین همشه سئویرم و ان یاخجی ایللریمی بو تاخیمدا گئچیردیم.