ایان رمزی، تراختورون یئنی ساوونجوسون ، یاخجی تانیاق.
ایان رمزی، تراختورون یئنی ساوونجوسون ، یاخجی تانیاق.

اویاقلیق : ۲۷ یاشیندا ایان رمزی ۸ مین دقیقه‌یا یاخین استرالیا اؤلکه‌سینین بیرنجی سطح لیگینده اؤلکه‌نین مطرح تاخیملارینان بیرلیقدا اویناماق سابقه واریدیر. یئنی گلن اویونچو گلن فصل گرک ایچ یاریشلاردا و آسیا شامپیونلار لیگینده تراختورا یاردیم ائده. رمزی ایان اؤنملی و ان گؤزه گلن اؤزللیق‌لاریندان، یوخاری توو(سرعت) و گؤزل تکنیک دئماق اولار، او بیر یان […]

ramsay-1اویاقلیق : ۲۷ یاشیندا ایان رمزی ۸ مین دقیقه‌یا یاخین استرالیا اؤلکه‌سینین بیرنجی سطح لیگینده اؤلکه‌نین مطرح تاخیملارینان بیرلیقدا اویناماق سابقه واریدیر. یئنی گلن اویونچو گلن فصل گرک ایچ یاریشلاردا و آسیا شامپیونلار لیگینده تراختورا یاردیم ائده.

رمزی ایان اؤنملی و ان گؤزه گلن اؤزللیق‌لاریندان، یوخاری توو(سرعت) و گؤزل تکنیک دئماق اولار، او بیر یان ساحه ساوونجوسودور و گئچن تاخیملاریندا نئچه دفعه‌لر بو ایکی اؤزللیق‌له یان ساحه‌دن رقیب‌ین ساحه‌سینه گیریب و چوخلو یورولر اؤز تاخیمینا یارادیب.

یوخاری توو و گؤزل تکنیک باعث اولوب بو اویونچو نئچه دفعه‌لر اؤز تاخیملارینین ترکیبینده، سول آرا ساحه‌سینده اویناسین و چوخلو یورو چالیشمالاریندا اولسون کی بو اویونچونون توتوشدورماق (تطبیق) و یوخاری یتنه‌گین اویوندا گؤستریر.

هابئله اؤز مطرح تاخیملاریندا، ملبورن سیتی، آدلاید یونایتد و سیدنی اف سی، او اویونچولاردان‌دیر کی چوخلو اویون اؤز تاخیمینا اویناییب و بو باخیشدان چوخ چوخلو دنه‌ییم‌لیدیر.سیدنی اف سی تاخیمی رمزینین استرالیا لیگ یاریشلاریندا ایلک پروفئسیونال تاخیمی دیر. بو تاخیم بوراچاغ ایکی دفعه استرالیا لیگ یاریشلاریندا شامپیون اولوب کی بیر دفعه‌سینده ۲۰۰۹/۱۰ فصلینده رمزی‌ده بو تاخیمین ترکیبینده واریدیر.

رمزی بیر دفعه آدلاید یونایتد تاخیمیله، ۸ قارشی بیره اودماقی دنه‌ییب و باشقا تاخیملارلا گینه نئچه ۴ ویا ۵ گل آرالی اودماقلاری گؤزه دییر.باشقا سیرادا اونون آدلاید یونایتدیله بیرلیقدا ۷ قارشی بیره و ۶ قارشی بیره اوتوزمالاری بیریزبان روز و وسترن سیدنی تاخیملارینا قارشی آغیر اوتوزمالاردانلاردیر.

رمزی اون سون اویونلاریندا بیر یان ساحه ساوونجو عنوانیله، اوچ یول گل وورماقا باجاریب و قطعیتیله دئماق اولار بو اویونچو اؤز یئنی اویونلاریندا زیروه(اوج)لرده اولان اویونچو کیمی دولاشیر.

نئچه ایل استرالیا لیگینده و بو اؤلکه نین کیفیتلی اویونچولارینین کناریندا اویناماق، هابئله بو اؤلکه دونیا کوپاسیندا ایاق یئری سالیب و اولوسلارآراسی یاریشلاریندا یاخجی سونوچ لار قازانیب، رمزی بیر یئنی دنه‌ییمه گؤره بیر دولو دستکلی و اولوسلارآراسی توپلامیندا، اونلو تاخیم دالیسیجادیر، او تاخیم کی اؤز شورلو تاماشاچیلارینا گؤره آدی دونیادا دیللره توشوب.

بوندا شوپهه یوخ، تراختور تاخیمینین او بیری اوچ جذب اولان یابانجی اویونچولارینا تای، بو اویونچودا ایرانین یابانجی لارینین ان یاخجی سی اولاجاق.

اؤنریلین یئنی سؤزجوکلر:

ساوونجو(savuncu): مدافع

ramsay