اویاقلیق: واسیلی قوجا ۱۹۵۴ اکتبرون اوندوققوزوندا رومانی براسوو دا دونیایه گؤز آشدی و اوندان سونرا کی ۱۹۸۶دن دؤرد ایل سوره جینده تراکتورول براسوو گنچلر تاخیمیندا کووچلوق ائدیردی و کریم پاداش یؤنتمن لیق دئورینده تبریز تراختورونا یوللاندی و تراختورون تاریخینده ایلک دیش کووچ اولدی. و بئللیغینان ۶ ایله چاغ تبریزین فوتبالیندا ان ائتگیلی کیشی اولدی و […]
اویاقلیق: واسیلی قوجا ۱۹۵۴ اکتبرون اوندوققوزوندا رومانی براسوو دا دونیایه گؤز آشدی و اوندان سونرا کی ۱۹۸۶دن دؤرد ایل سوره جینده تراکتورول براسوو گنچلر تاخیمیندا کووچلوق ائدیردی و کریم پاداش یؤنتمن لیق دئورینده تبریز تراختورونا یوللاندی و تراختورون تاریخینده ایلک دیش کووچ اولدی. و بئللیغینان ۶ ایله چاغ تبریزین فوتبالیندا ان ائتگیلی کیشی اولدی و تراختوری ایران فوتبالینین دؤرد تاپ تاخیملارینین جوقاسینا یئتیردی. قوجا ایدی کی کریم باقری، علیرضا نیک مهر، علی باغمیشه، ناصر فرشباف، حسین حسندخت، علی اکبر ذوالمجیدیان و.. کیمی اویونچولاری ایران فوتبالینا تانیتدیردی. قوجانین گؤرسلین حسین کریمی تبریز فوتبالینین بؤیوگو کناریندا گؤروسونوز.
سونرالاردا واسیلی بیر داها تبریز فوتبالینا و تراختورا قئییتدی. بو اولو ۲۰۰۳ ایلینده اوز وئردی. آما ایران فوتبالی چوخ دییشیلمیشدیر و رومانیالی کیشی داها اوغورلو اولامادی. قادار الی بیر اون ایل سونرا بیر دیش کووچو گینه ده تراختورون اونلو کیشی سی ائیلدی. تونی اولیویرا آوروپانین باشقا طرفیندن گلدی آما واسیلیه اوخشار هیبتیله و چگیجی (کاریزماتیک) کیشیلیغیله تئزلیغلا تراختوردا پارلادی و بو تاخیمین تاریخده ایلک کاپین آرماغان گتیردی.
گرامر و سوزلوک ساحهسیندا عیب، ایراد بیلسز، نظرلریزله بیزی یاردیم ائدین.
saeed
تاریخ : ۳۰ - تیر - ۱۳۹۴یاشاسین
مارالانلی
تاریخ : ۳۰ - تیر - ۱۳۹۴سلام، الینیز قولونوز وار اولسون، یازیه گورع چوخ ساغ اولون، “گرامر و سوزلوک ساحهسیندا عیب، ایراد بیلسز، نظرلریزله بیزی یاردیم ائدین” گورندن سونرا ایسته دیم بیر بالاجا باشلیغی وورغولی یم، بو یازدیغینیز تورکی چوخ آغیر تورکی دیر و کوتله سوادیندان بیر بالاجا یوخاریدی، داها یاچجی اولاردی کی بعضی آغیر سوزلرین بانیندا اونون سینونیمینی (هم معنی سینی) دع یازاسینیز کی اوخوجولارینیز داها راحت باش دوشسونلر، نئجه کی بو ایشی چگیجی (کاریزماتیک) گورموسونوز
اللرینیزدن اوپورم