اوْیاقلیق: توْپ اوْیوُنلارینین ماراقلیلارینین دوٍشوٍنجهلرینده قالارقی کؤینگلردن بیری آلمان میلی تاخیمینین ۱۹۹۰نین دوٍنیا کوپاسینداکی کؤینگیدیر. آدیداس ایلک دفعه ۱۹۸۸این آوروُپا کوْپاسیندا باتی آلمانین میلی تاخیمینین یئنی کؤینگین گوْستردی کی همشهکی تکین آغ کؤینگ و قره شوْرت ایدی. بوُ فرقینن کی ایلک دفعه ژئرمنلرین کؤینگینین اوٍستوٍنده اوٍچ قره، قیرمیزی و ساری شریت آلمانین بایراغینین بوْیالاریندا گؤروٍندوٍ. […]
اوْیاقلیق: توْپ اوْیوُنلارینین ماراقلیلارینین دوٍشوٍنجهلرینده قالارقی کؤینگلردن بیری آلمان میلی تاخیمینین ۱۹۹۰نین دوٍنیا کوپاسینداکی کؤینگیدیر.
آدیداس ایلک دفعه ۱۹۸۸این آوروُپا کوْپاسیندا باتی آلمانین میلی تاخیمینین یئنی کؤینگین گوْستردی کی همشهکی تکین آغ کؤینگ و قره شوْرت ایدی. بوُ فرقینن کی ایلک دفعه ژئرمنلرین کؤینگینین اوٍستوٍنده اوٍچ قره، قیرمیزی و ساری شریت آلمانین بایراغینین بوْیالاریندا گؤروٍندوٍ. ژئرمنلر دؤرد ایل بوْیوُجا بوُ کؤینگین أینینه گیردی و سوْنوُندا ۹۲اینجی آوروُپا کوْپاسیندا آدیداس آلمان کؤینگینه یئنی موْدا چیخارتدی. آما آلمانین گؤزل کؤینگی ۱۹۹۰نین دوٍنیا کوْپاسیندا هئچ چاغ یادلاردان چیخماز.
۱۳۷۱ده تراختوُر اوْ تاخیملاردانیدی کی اؤز کؤینگینده آلمانلارین کؤینگیندن الگوٍ گؤتوٍردوٍ. کؤینگلری گؤی بوْیاسی بوْیاندی و آلمانین بایراغی اوْنوُن اوٍستوٍنده سالینمیشدیر. آما تراختوُروُن ایلک کؤینگی قیرمیز بوْیادا قالدی. ائله اوْ ایلده تبریزین تمثیلچیسی بوُ اوُلدوُزلوُ اوْیوُنچوُلارینان، کریم باقری، سیروس دین محمدی، غلامحسین دین محمدی، حسین خطیبی، علیرضا نیک مهر، احد شیخ لاری و واسیلی قوجانین کوْچلوُغوُینان پارلاق اوْیوُنلار اوْینادیلار و اوْ لیگاداکی ایکی گوُروُپلوُ گئچیریلیردی، کشاورز تهرانیله بیرلیقدا و استقلالی حذف ائیلهماغینان یاریفینالا یوْللاندیلار. ائشیدمهلیسی بوُرادی کی اوْ ایلده استقلال، تهرانین سئچیلمه یاریشلاریندا سوْنا بیر تاخیم قالان اوْلموُشدوُر و لیگادا دؤرد تیمین جوْقاسینا یئتیشمماغینا گؤره ، اوٍچوٍنجوٍ لیگا گئتدی! پاس تهراندان اوُتوُزماق تراختوُروُن قیزیل سوْیوُنوُن، آزادگان کوْپاسینا گئدماغینین قاباغین آلدی و سوْنوُندا بوُ تاخیم یاریشلاردا اوٍچوٍنجوٍ عنوانیله لیگادا اوْ چاغاجاق ان بؤیوٍک اوٍنلوٍلوٍغون قازاندی.
ماراقلیلار: علاقه مندان
شریت: نوار
عزیز و حرمتلی گؤرنلر و اوخویانلار سیزین وئردیغینیز نظرلردن چوخ سئویندوق و فایدالاندوق. اومودوم وار گینه گرامر و سوزلوک ساحهسیندا عیب، ایراد بیلسز، نظرلریزله بیزی یاردیم ائدین.
یورقون
تاریخ : ۲۹ - تیر - ۱۳۹۴یاشاسین واسیلی قوجا – یاشاسین تونی الیویرا – یاشاسین تراختور- یاشاسین آذربایجان
آرتان
تاریخ : ۲۹ - تیر - ۱۳۹۴ساغولون تورکی یازدیغینیزا گوره
بیراز داها ساده یاز سیدینیز ، اوخو ماسی بوننان راحاند اولار دی
گینه ساغولون
وکیلی از ملکان
تاریخ : ۲۹ - تیر - ۱۳۹۴یاشاسین واسلی قوجا یاشاسین رسول خطیبی
ائلدار
تاریخ : ۲۹ - تیر - ۱۳۹۴دیرلی ایشینیزه گؤره چوخ ساغولون. بیلدیگینیز کیمی میلتیمیزین اؤز دیلینده اوخوما سورونو واردیر. سیزین بو نجیب و شرفلی ایشینیزین اوغورلو اولماسی اوچون اوچ اؤنریم واردیر. اومارام بونلارا ماراق گؤسترهسینیز:
۱) بیر اوزون یازی یئرینه نئچه-نئچه قیسسا و گوندمه باغلی یازیلار سئچین.
۲) چوخ هرکه ایشلتمکدن قاچینین. هرکه گؤزو وورار. بعضی یازیلارین عئین اولماسینی جومله بلیرگینلشدیرر.
۳) کوتلهنین دانیشدیغی دیله یاخین یازینیز. گؤزهلیم تورکجهنین دوزگون سؤزجوکلرینی ایشلتمهیه تلسمگین. میلتیمیزین گؤزوندن و قافاسیندان آلینان تورکجه سؤزجوکلرین کوتله آلانینا دؤنمهسی اوچون اوزون سورج گرهکی ر.
سیزه بول شانسلار و درین اوغورلار دیلهییرم.
اسن قالین ائلدار ق
تربيز(تبريز يوخ)
تاریخ : ۲۹ - تیر - ۱۳۹۴سلاملار سیزه . اینانئن سیزین بو سایتی آچاندا سانکی بیر فامئلی زیارت ائدمیش کیمی اولورام . ائله بیر تانئش کتابی آچمئشام قاباغئما . بقول تورکیه لی لر (اییی کی وار سئز ) یاخچی کی هله سیزلر وارسئز بیز و سیز بو گوزل یولدا ایلرله ملیوخ تا کی بو یولو دالئدان گلن لره تارازلیاخ همده بیر تعدادا گورسداخ کی بیزیم یولوموز ایرانا بیر خطر یوخ بلکه بیر گوزلئخدی و بیر فورصت دی . یاشاسئن تورک آذربایجان و اونون شرفلی قیرتلی انسان لاری .و کونو اولاراخ دا یاشاسئن تراختور خخخخ